نزیکەی ١٠٠٠ تووشهاتن و ١٩ مردن وە کۆڕۆنا لە هەرێم کوردستان

شەفەق نیوز/ وەزارەت تەندروسی لە هەرێم کوردستان، ئمڕوو سێشەممە، راگەیانن تۆمارکردن ٩٦٩ تووشهاتن نوو وە ڤایڕۆس کۆڕۆنا لە ماوەی ٢٤ ساعەت گوزەیشتە.

وەزارەتەگە لەبەیانامەیگ رەسیە ئاژانس شەفەق نیوز وت: لە ماوەی ٢٤ ساعەت گوزەیشتە ٧٥٠٢ تاقیکردنەوە ئەنجام داگە، وەیجوورە: ٢٢٧٦ هەولێر، ٢٠١٠ سلێمانی، ٢٤٧٨ دهۆک، ٦٠ هەڵەبجە، ٥٤٣ گەرمیان، ٤٤ راپەڕین.

وەزارەتەگە دیاری کرد ک ٩٦٩ تووشهاتن تۆمار کریار وەیجوورە؛ ١٥٩ هەولێر، ٣٨٩ سلێمانی، ٣٥٥ دهۆک، ٢٤ هەڵەبجە، ٣٩ گەرمیان، ٣ راپەڕین.

بەیاننامەگە وتیش؛ ٨٧٨ بیمار لە پەتاگە خاسەو بوین، وەیجوورە؛ ١٢٢ هەولێر، ٣١٠ سلێمانی، ٣٥٨ دهۆک، ٨ هەڵەبجە، ٦٥ گەرمیان، ١٥ راپەڕین.

هەمیش وت: ١٩ بیمار لەوەر پەتاگە ئمڕوو مردن، وەیجوورە: ٧ هەولێر، ٢ سلێمانی، ٥ دهۆک، ١ هەڵەبجە، ٤ گەرمیان.