کۆڕۆنای کوردستان.. خاسەوبوین لە توەشهاتن زیاترە
2021-05-26T15:08:05+00:00
شەفەق نیوز/ وەزارت تەندروسی لە حکومەت هەرێم کوردستان، ئمڕوو چوارشەممە، راگەیان تۆمارکردن خاسەوبوین فرەتر لە تووشهاتنەیل ڤایڕۆس کۆڕۆنا، وەگەرد ١٠ مردن لەماوەی ٢٤ ساعەت گوزەیشتە.
وەزارەتەگە لەبەیانامەیگ رەسیە ئاژانس شەفەق نیوز وت: ٦٥٥ تووشهاتن نوو وە ڤایڕۆس کۆڕۆنا وەرانوەر ٩٥٥ خاسەوبوین لە پەتاگە لە گشت ناوچەیل هەرێم تۆمار کردگە.
وەزارەتەگە وتیش: ١٠ مردن نوو لەوەر پەتاگە ئمڕوو تۆمار کریانە.
وەزارەتەگە هەمیش وت: گشت ژمارەی تووشهاتنەکان لە هەرێم کوردستان رەسیە ١٦٧٣٥٧، لەلیان ٤٢٤٨ مردنە، و ١٥٢٣٥٦ خاسەو بوینە.
