وەزیر تەندروسی مەزەنە کەێد کولێرا لە ناوچەیلیگ ترەک لە هەرێم کوردستان بڵاو بوود
2023-09-09T09:21:55+00:00
شەفەق نیوز/ سامان بەرزنجی وەزیر تەندروسی لە حکومەت هەرێم کوردستان، ئمڕوو شەممە، مەزەنەی بڵاوبوین بیماری کولێرا لە ناوچەیلیگ ترەک لە هەرێم کوردستان کرد، وەلێ دووپاتیش کرد کە پارێزگای سلێمانی ها نوای گشت ناوچە و شارەیل هەرێم کوردستان لەلای شمارەی تویشهاتن وەی بیماریە.
بەرزنجی ئەرا رووژنامەنویسەیل وت: شمارەی تویشهاتنەیل وەی بیماریە لە سلێمانی بەرزە، و لە هەولێر و ناوچەی گەرمیان چەن بیماریگ هەس، وەلێ لە سلێمانی کەمترن.
وتیش: ئی بیماریە پەتاییە، و هەناێ لە سلێمانی بڵاو بوود، ئەگەر هەر لە دهۆک و زاخۆ و گشت ناوچەیل هەرێم کوردستان تویشهاتن نوو دیاری بکریەێد.
لە رووژ پەنجشەممە 7 ئەیلوول، بەرزنجی توومارکردن 117 تویشهاتن وە بیماری کولێرا لە هەولێر کوردستان راگەیان، و مەزەنەی زیایبوین بیمارەیل کرد.
