کولێرا...بەرزەوبوین تویشهاتن و توومارکردن یەک مردن لە کەرکوک
2022-07-28T08:28:40+00:00
شەفەق نیوز/ وەزارەت تەندروسی عراق، ئمڕوو پەنجشەممە، بەرزەوبوین تویشهاتن و شمارەی مردن وە بیماری کولێرا راگەیان.
وەزارەتەگە لە بەیاننامەی کوڵیگ ک وە ئاژانس شەفەق نیوز رەسیە راگەیان، شمارەی تویشهاتن وە بیماری کولێرا بەرزەوبویە ئەرا 548 تویشهاتن و شمارەی مردن بەرزەوبوی ئەرا 4 حالەت لە دویای ئەوەگ پسای مردن نوویگ لە کەرکوک توومارکریا.
دەسڵاتدارەیل تەندروسی عراق لە ١٩ی حوزەیران گوزەشتە بڵاوبوین کولێرا راگەیانن دویای دڵنیابوین لە 13 پسای تویشهاتن لە ناوچە جیاوازەیل عراق، لەهەمان وەختیش خەوەر دریا ک هەزاران کەس لەوەر زگچین سەردان خەسخانە کردنە.
