حکومەت هەرێم کوردستان ٨٠٠ مەلیۆن دینار ئەرا لەناوبردن زگچین وهەڵاوردن لە سلێمانی تەرخان کەێد
شەفەق نیوز/ سەرۆک حکومەت هەرێم کوردستان، ئمڕوو دووشەممە، بڕیاردا ٨٠٠ مەلیۆن دینار ئەرا لەناوبردن "زگچین وهەڵاوردن" لە سلێمانی جویر بوودجەی فریاکەفتن تەرخان بکریەێد.
راگەیانن وەزارەت تەندروسی لە حکومەت هەرێم کوردستان لە بەیاننامیگ رەسیە ئاژانس شەفەق نیوز وت: دویای پرسیارکردن دەربارەی تویشهاتن زگچین و کولێرا، مەسرور بارزانی سەرۆک حکومەت هەرێم کوردستان رازی لە تەرخانکردن ٨٠٠ مەلیۆن دینار جویر بوودجەی فریاکەفتن بوی ئەرا لەناوبردن زگچین وهەڵاوردن لە پارێزگای سلێمانی.
بەیاننامەگە وتیش: بارزانی فەرمان دا وەزیر تەندروسی وە چەودیریکردن رەوش تەندروسی وەپاڵپشتیکردن هەر خاوزینیگ ئەرا نواگردن بڵاوبوین کولێرا.
دویەکە یەکشەممە، مەسرور بارزانی سەرۆک حکومەت هەرێم کوردستان، باس لە نیگەرانی خوەی لە خەوەرەیل بڵاوبوین پەتای کولێرا لە پارێزگایل سلێمانی و هەولێر کرد، و فەرمان دا وەزیر تەندروسی لە سلێمانی بوود و کارەیل کۆنترۆڵکردن پەتاگە جیوەجی بکەێد.
