تویشهاتنەیل کولێرای عراق لە ٣٠٠ رەد کەێد
2022-07-16T08:45:57+00:00
شەفەق نیوز/ وەزارەت تەندروسی و ژینگەی عراق، ئمڕوو شەممە، رەدکردن شمارەی تۊشهاتنەیل وە بیماری کولێرا لە ٣٠٠ کەس راگەیان، دویای توومارکردن ٥٢ تویشهاتن لە ماوەی ساعەتەیل گوزەشتە.
سەیف بەدر قسەکەر وەزارەتەگە لە وتاریگ رەسیە ئاژانس شەفەق نیوز وت: دووپات لە توومارکردن ٥٢ تویشهاتن نوو وە کولێرا کریا، یەکیگیان لە کەرکوک مردیە.
وتیش: گشت شمارەی تۊشهاتنەیل وە بیماریەگە رەسیە ٣٠٩، و سێیان لەلیان مردنە.
