و پاڵپشتی قەرز یابانی.. وەکارخستن پڕۆژەی کارەبا لە هەرێم کوردستان
شەفەق نیوز/ وەزارت کارەبا لە هەرێم کوردستان، ئمڕوو پەنجشەممە، دەسکردە وەکارخستن پڕۆژەیگ لە پارێزگای هەولێر، بار لە بان تووڕەیل گواستنەوەی وزەگە سووکەو کەێد، و هەمیش دابەشکردن و گواستەوەگە لەناونی ویستگە کارەباییەکان رێک خەێد.
کەماڵ محمد وەزیر کارەبا لە کۆنگرەیگ هاوبەش وەگەرد هێمن قادر جینشین پارێزگار هەولێر، و هاکان کاراجای قونسڵ گشتی تورکیا لە هەرێم، وت: وەپاڵپشتی قەرز یابانی لە ئاژانس (جایکا) ئەرا هاوکاری ناودەوڵەتی، و وەخەرج زیاتر لە ٥ مەلیۆن یۆڕۆ، ئمڕوو پڕۆژەی ( MINI-SCADA & VOLP) لە هەولێر واز کردیمن، و باس لە سوپاسی ئەرا حکومەت و گەل یابان کرد لەبان پشتگیری وەردەوامیان ک ئەرا هەرێم کوردستان پێشکەشی کەن.
هێمن قادر جینشین پارێزگار هەولێر لەناو کۆنگرەگە وت: ئەوەسا پڕۆژەگە دەسمیەتی لە سووکەوکردن جەختەگە لەبان تووڕەیل دابەشکردن کارەبا دەێد، و هەمیش لە کۆنتڕۆڵکردن دابەشکردن و گواستنەوەی وەزەگە.
