بەڵگەنامە.. کازمی رەزامەنی دەێد لە کردنەوەی ٤ ناوەند هەماهەنگی ئەمنی هاوبەش وەگەرد کوردستان
شەفەق نیوز/ فەرماندەی ئۆپراسیۆنە هاوبەشەگان راگەیان لە رەزامەنی موستەفا کازمی سەرۆک وەزیران فەرماندەی گشتی هێزە چەکدارەگان، لە کردنەوەی ٤ ناوەند هەماهەنگی هاوبەش وەگەرد هەرێم کوردستان لە ناوچە دابڕیایەگان.
فەریق روکن عەبدولئەمیر شەمەری جیگر فەرماندەی ئۆپراسیۆنە هاوبەشەگان لە کتاویگ ئاڕاستە کریاگ ئەرا وەزارەت وەرگری وت: رەزامەنی سەرۆک وەزیران فەرماندەی گشتی هێزە چەکدارەگان وەرگریا ئەرا کردنەوەی ٤ ناوەند هەماهەنگی هاوبەش وەگەرد هەرێم کوردستان لە فەرماندەیل ''ئۆپرسیۆنەگان دیالە لەخانەقین لە کەرت وەرپرسایەتی فەرماندەی ئۆپراسیپۆن دیالە'' و '' فەرماندەی ئۆپراسیۆن نەینەوا لە مەخمور لە وەرپرسایەتی فیرقەی پیادەی ١٤ '' و '' فەرماندەی ئۆپراسیۆن خوەرئاوای نەینەوا لە بارەگانی فرماندە لە کسک'' و '' بارەگای گشتی فەرماندەی ئۆپراسینە هاوبەشەگان/کەرکوک لە ناوچەی جیمە''
شەمەری فەرماندا ئەرا وەڕێوبەرایەتی گشتی هەواڵگیری و ئەمن و وەڕێوبەرایەتی هەواڵگیری سەربازی یەک نوێنەر ئەرا هەر بارەگایگ لەو چوار بارەگا دانریەێد.
هەمیش داواکرد وەکاندیدکردن ئەفسەریگ وە پلەی '' عەمید- عەقید'' ئەرا وەڕێوبردن ناوەندەگە تا ئەوەنە دوو فەرماندە ئەرا ئەو ناوەندەیلە جیگر کریەن، وتیش؛ ئەەو بارەگایلە لە ساعەت ١٠٠ رووژ ٢٠/٨/٢٠٢٠ کریەنەو.
