کوردستان بەرزترین ئاماری لە تووشهاتن کۆرۆنا تۆمار کەێد
شەفەق نیوز/ وەزارەت تەندروسی هەرێم کوردستان، ئمڕوو سێشەممە، راگەیان تۆمارکردن ٦٥٣ تووشهاتن نوو وە ڤایڕۆس کۆرۆنا لە بەرزترین ئاماری لەوەخت بڵاوبوین ڤایڕۆسەگە لە هەرێم لە ئادار ئی ساڵە.
وەزارەتەگە لە بیەاننامەیگ رەسیە ئاژانس شەفەق نیوز وت: ٣٠٣٠ تاقیکردنەوە لە ماوەی ٢٤ ساعەت گوزەیشتە ئەنجام داگە، لەناویان تووشهاتنە نووەگان دیاری کرد، ک وەیجوورە بەشەوبوینە:
٣٩٨هەولێر، ٦٠ سلێمانی ، ٢٥ گەرمیان ، ٦٦ راپەڕین، ٨٨ دهۆک ، ١٦ لە هەڵەبجە.
هەمیش وەزارەتەگە ١٧١ خاسەوبوین تۆمارکرد وەیجوورە: ٩٥ هەولێر، ٣٨ گەرمیان، ٣٠ دهۆک ، ٨ لە هەڵەبجە.
وەزارەتەگە دیاریکرد؛ لە ماوەی ٢٤ ساعەت گوزەیشتە ١٣ مردن وە ڤایڕۆسەگە تۆمارکرد، وەیجوورە: ٩ هەولێر، ٣ سلێمانی، یەک مردن لە هەڵەبجە.
لەوەخت بڵاوبوین پەتاگە ١٨٢٠٠ کەس لە هەرێم کوردستان تووشهاتگە، ١٠٤٨٠ لەلیان خاسەوبوینە، و٦٧٠ مردنە.
