کوردستان قەیەغەى هاتوچوو تا 23 ئى مانگە دریژەو کرد
شەفەق نیوز وەزارەت ناوخوەیى لە حکومەت هەرێم کوردستان، ئاشکارى دریژەوکردن قەیەغەى هاتوچوو کرد لە شارەیل هەرێم تا رووژ 23ى ئى مانگە، ئەویش لەوەر ریگرى لە بڵاوبوینەوەى ڤایرۆس کۆرۆناى تازە.
وەزارەتەگە لە بەیاننامەیگ ئەرا شەفەق نیوز وت: دویاى بەیاننامەیل وەریت و تایبەت وە روێ وەڕوی بوینەوەى ڤایرۆس کۆرۆنا و وەگوورەى کتاو وەزارەت تەندروستى شمارە (4611) لە 15 / 4 / 2020 و لەوەر خاتر مقەیەتیکردن لە سەڵامەتى و تەندروستى لە هەرێم کوردستان، وەزارەتەگە بڕیار دا ماوەى قەیەغەى هاتوچوو لەگشت پاریزگایەیل هەولێر و سلێمانى و دهۆک و هەڵەبجە و ئدارەیل راپەڕین و گەرمیان و گشت یەکەیل ئدارى تا 22 نیسان ئى مانگە تا سەهات 12ى شەو دریژەو بکریەێد.
جى باسە، وەزارەتەگە باس لەوەیش کرد هەر شوفێریگ سەرپیچى لەى بڕیارە بکا لە بەیاننامەى شمارە 19ى ساڵ 2020 تویش سزاى ئەیاد، ئاماژە وەیەیش کرد قەیەغەى هاتوچوو لە سەعات شەش ئیوارە تا سەعات 12ى شەو ئەدێ لەسەرجەم ناوچەیل هەرێم کوردستان و تەنیا رێ وە سەیارەى هیزەیل ئەمنى و تیمەیل تەندروستى و سەیارەى ئەمپوڵانس و ئەوانەگ هانە واجب فەرمى ئەدریەێد.
