هەرێم کوردستان ٢٧ مردن و ٥٧٩ تووشهاتن نوو وەکۆڕۆنا تۆمارکەێد
2020-09-02T12:20:47+00:00
شەفەق نیوز/ وەزارەت تەندروسی لە هەرێم کوردستان، ئمڕوو چوارشەممە، راگەیان تۆمارکردن ٢٧ مردن، و٥٧٩ تووشهاتن نوو وە ڤایڕۆس کۆڕۆنا لە ماوەی ٢٤ ساعەت گوزەیشتە.
وەزارەتەگە لەبەیاننامەیگ رەسیە ئاژانس شەفەق نیوز وت: ٥٢٥٥تاقیکردنەوە ئانجامدا لە: هەولێر و سلێمانی وگەرمیان ودهۆک وهەڵەبجە.
وتیش؛ ٥٧٩ تووشهاتن نوو دیاریکرد وەیجوورە بەشەەوبوین: ١٦٤هەولێر، ٩٧ سلێمانی، ٢٥ گەرمیان، ١٦٨ دهۆک، ٢٥ هەڵەبجە.
بەیاننامەگە ئاماژەدا وە خاسەوبوین ٤٤٩ تووشهاتگ وەیجوورە: ٢٧٨ هەولێر، ٣٦ سلێمانی، ٣٢ گەرمیان، ٨٣ دهۆک، ٢٠ هەڵەبجە.
بەیاننامەگە هەمیش وت: ٢٧ تووشهاتگ ئمڕوو مردن، وەیجوورە: ٨ هەولێر، ٦ سلێمانی، ١ گەرمیان، ٥ راپەڕین، ٧ دهۆک.
بەیاننامەگە ئاماژەدا ک بڕ گشتی تووشهاتنەگان لە وەخت بڵاوبوین ڤایڕۆس کۆڕۆنا لە هەرێم تا ئیسە رەسیە ٢٩٩٢٦ تووشهاتگ، لەلیان ١٨٩٦٩ بیمار خاسەوبوینە، وهیمان ٩٨٣٢ لەلیان هانە چارەسەری، و ١١٢٥ مردنە.
