ئەنجومەن وەزیران هەرێم دانیشتنیگ ئەرا ئەنجامەیل دانووستانەگان بەغداد کەێد

شەفەق نیوز/ بڕیارە لە شەوەکی ئمڕوو چوارشەممە ئەنجومەن وەزیران هەرێم کوردستان وە سەرۆکایەتی مەسرور بارزانی سەرۆک حکومەت دانیشتنە هەفتاتەگەی بکەێد.

ئەنجومەنەگە ئەوەسا لە کۆبونەوەگەی باس لە دویاترین گەشەیل گفتوگۆەگان وەگەرد بەغداد کەێد، و رەوش دارایی لە هەرێم لەدویای ئەرزانکردن دینار عراقی وەرانوەر دۆلار.

ئەنجومەن وەزیران هەمیش  ئەوەسا باس تەقەلایل حکومەت هەرێم کەێد ئەرا دابینکردن واکسین دژوە ڤایڕۆس کۆڕۆنا ئەرا هاووڵاتییەگان.