کازمی ئەمیندار بەغداد لاوەێد و سێ مه‌رج ئەرا کاندیدە نووەگە
شەفەق نیوز/ دەسەی خزمەتگوزاری و ئاوادانی پەرلەمانی، ئمڕوو چوارشەممە، راگەیان لە لاوردن زکرا عەلووش ئەمیندار بەغداد لە پۆستەگەی، وە بریاریگ لە موستەفا کازمی سەرۆک وەزیران، وئاماژەدا وە گفتوگۆکردن لە چەن ناویگ ئەرا وەرگردن پۆستەگە.
موزر خەزعەل ئەزیرجاوی ئەندام دەسەگە ئەرا ئاژانس شەفەق نیوز وت: موستەفا کازمی سەرۆک وەزیران لە وەختیگ گوزەیشتە بریاریگ دەرکرد وە لاوردن زکڕا عەلووش ئەمیندار بەغداد لە پۆستەگەی خوەی، و دیاری کرد ئیسە پۆستەگە چووڵە و لەلایەن سەرۆک وەزیران وەڕیەو بریەێد.
وتیش؛ دەسەی خزمەتگوزاری و ئاوادانی پەرلەمانی و نوێنەرەیلیگ لە پارێزگای بەغداد باس چەن ناویگ کردن ئەرا پۆستەگە، وئاماژەدا وە باسکرد لەوە وەگەرد سەرۆک وەزیران ئەرا پەسەنکردن یەکیگیان.
ئەندام دەسە پەرلەمانیەگە جەختکرد ک گرنگە کاندید ئەو پۆستە لە خەڵک بەغداد بوود و خاوەن پیشەیی و توانایگ بوود ئەرا وەڕێوه‌بردن پۆستەگە.
