وینە.. مەیدان تەحریر لەدویای شەو خوینینیگ
شەفەق نیوز/ دوو خۆپیشاندەر لە وەر زەخمەیلیان مردن، دویای روی وەرویبوین شەوانەیگ وەگەرد هێزه‌یل دژە ئاژاوە لە مەیدان تەحریر، ناوەند ناڕایەتیەگان لە ناوڕاس بەغداد.
و دەور دەیان خۆپیشاندەرەیل زەخمداری بوین لە مەیدانەیل تەیڕان و تەحریر لە نەوڕاس بەغداد پایتەخت، لە وەختیگ هێزەیلی حکومەتی سەروە دژە ئاژاوە خەریک چەکانن مانگرتن و خۆپیشاندانەگان بوین.
و ئەیە یەکەمین روی وەڕویبوینە ناوبەین هێزە ئەمنیەگان و خۆپیشاندەرەیل لە حکومەت کازمی، ک لە ئایار گوزەیشتە حکومەتەگە وەرگرد.
لیوا یەحیا رەسول قسەکەر وەناو فەرماندەی گشتی هێزەچەکدارەگان وت: هێزە ئەمنیەگان رینمایل ئاشکرا و سەختیگ دیرن وروی وەڕوینەوین وەگەرد هیچ خۆپیشاندەریگ، و نەبایەس وە ریکارە سەختەگان پەنا بوەن مەگەر لە مەوقەیل فره گرنگ، ك ئەندامە ئەمنیەگان بکەفنە وەر مەترسی کوشتن.
رەسول دووپاتکرد لە ماف ناڕەزاگان لە خۆپیشاندان ئاشتەوایی، وتیش بڕیگ رووداو نەگونجیاگ لە مەیدانەیل خۆپیشاندانەگان بوی، و رینما دریا لە نوڕستن ووردەکاریەگانی، تا بزانیەێد چەبی لە راسیەگەی، و دووپاتکرد؛ چزداین هێزە ئەمنیەگان وە مەبەست کیشاننی ئەرا روی وەرویبوین، کاریگە هاندریاگە لە لایەنەیلیگ نیه‌خوازن عراق ئارامەو بوود.
لەلای خوەییش؛ نەتەوە یەکگرتوەگان شەرمەزار کارەیل توندی و تیژی و زیان گیانی کرد ک دویەشەو لەوەخت ناڕەزایەتیەگان روویدا، و داوای لێکۆڵینەوە و سزاداین تاوانبارەیل لە حکومەت کرد.
