نێچیروان بارزانی وەگەرد وەرپرسەیل کۆریای باشوور باس لە ئەوزەڵداین پەیوەنیەیل و پرۆژەیل کەێد
یەیش لەمیانەی پیشوازیکردن بارزانی لە، سیۆنگچۆل لیم، بالیۆز گشتی کۆریای باشوور لەهەرێم، و کو هیسیۆگ، سەرۆک ئاژانس کویکا، وەپای بەیاننامەیگ رەسیە ئاژانس شەفەق نیوز.
لە دیدارەگە باس لە ئەوزەڵکردن پەیوەنیەگان ناوەین کۆریای باشوور و هەرێم کوردستان کردن، و کار و چالاکیەیل رێکخریاگە کۆریەگە ئەرا هاوکاری ناودەوڵەتی هەرێم تاوتوێ کریا کە ماوەی ساڵان درویژیگە دەسمیەتی کوردستان دەێد، شمارەیگ پرۆژە لە ناوچە جیاوەزەیل هەرێم ئەنجام دایە.
بارزانی ستایش ئەو پەیوەنی و هاوڕیەتیە کرد کە ناوەین کۆریای باشوور و هرێم کوردستان، وەشیوەی تایوەت باس لە کار و چالاکیەیل ئاژانس "کویکا" کرد کە لە کەرتە جیاوازەیل و مژارەیل دەسمیەتیدان میلەت هەرێم کوردستان ئەنجامیدایە، وەگەرد کار و خزمەتەیل تیم سەربازی زەیتونی کۆری، کە وەرجە 20 ساڵ هاتنە هەرێم کوردستان و پەیوەنی ناوەین دوو وڵاتەگە پتەوکردن.
