نێچیروان بارزانی پیشوازی لە کونسوڵ نوو کۆریای باشوور لەلای هەولێر کەێد
شەفەق نیوز/ نێچیروان بارزانی سەرۆک هەرێم کوردستان، وەرجە نیمەڕو ئمڕوو یەکشەممە، پیشوازی لە جۆ کێجونک قونسوڵ گشتی نوو کۆمار کۆریای باشوور لە هەرێم کوردستان کرد.
وەگەرد پیشوازیکردن لە قونسوڵ نوو کۆریای باشوور و پیرووزبایی وە دەسکردن وە ئەرک پۆستەگەی، سەرۆک نێچیروان بارزانی باس سوپاس هەرێم کوردستان ئەرا هاوکاریەیل و دەسمیەتی لە بیناکردن توانایل و ئەو پاڵپشتیە کرد ک کۆریای باشوور ئەرا هەرێم کوردستان پیشکەشی کردیە، ئەوەیش وەڕی تیم زەیتون سەربازی و ئاژانس کویکای کۆریایی.
لەلای خوەییش، قونسوڵ گشتی کۆریای باشوور دووپات کرد ک پەیوەندیەیل ناوبەین وڵاتەگەی و هەرێم کوردستان پەیوەندیەیلیگ جیاوازن، وباس ئومیدی لە بەرزرکردنی ئەرا ئاستیگ بەرزتر و فراوانتر کرد.
قونسوڵ نوو کۆریای باشوور، باس بەشیگ لە ئامادەبوین و چالاکیەیل وڵاتەگەی لە هەرێم کوردستان کرد، و هاندان کەرت تایبەت کۆریایی و دەرفەتەیل بەرهەمهاوردن لە هەرێم کوردستان ئەرا کۆمپانیایل کۆریایی.
وەگورەی بەیاننامەی سەرۆکایەتی هەرێم کوردستان؛ هەردوگ لایەنەگە لە دیدارەگە زوور لە بتەوکردن پەیوەندیەیل و فراوانکردن پەیوەندی کەلتوری و هاوکاری و هەماهەنگی ناوبەین هەردوگ لایەنەگە کردن، تایبەت لە چین پەروەردە وفیکردن، وباس لە رەوشەیل سیاسی لە عراق و هەرێم کوردستان کردن.
