سەرۆک هەرێم کوردستان دەسخوەشی لە سێ لایەن کۆریای باشوور کەێد
شەفەق نیوز/ نێچیروان بارزانی سەرۆک هەرێم کوردستان، ئمڕوو سێشەممە، پیشوازی لە چوی کوانگ جین قونسڵ گشتی کۆریای باشوور لە هەولێر کرد، ئەوەیش وەبونەی کۆتایی ئەرکەیلی.
لە دیدارەگە وەگەرد ماڵئاوایی لە قونسڵ گشتی، سەرۆک نێچیروان بارزانی دەسخوەشی لە کارەیل کوانگ جین و تەقەلایلی لە قایمکردن پەیوەندیەیل هەرێم کوردستان وەگەرد کۆریای باشوور کرد، و ئومید سەرکەفتن لە ئەرکەیل نووی خوازێد.
هەمیش دەسخوەشی لە دەور تیم زەیتون سەربازی کۆریای و ئاژانس کویکا و گەل و حکومەت کۆریای باشوور لە چین پێشکەشکردن هاوکاریی ئەرا هەرێم کوردستان کرد.
لەلای خوەییش، قونسڵ گشتی کۆریای باشوور باس لە سپاس خوەی ئەرا سەرۆک نێچیروان بارزانی و لایەنەیل پەیوەندار لە هەرێم کوردستان کرد ئەرا هاوکاری و پاڵپشتییان لەماوەی کارەگەی، و ئومید بتەوکردن پەیوەندیەیل وڵاتەگەی وەگەرد هەرێم کوردستان خوازێد.
