مەڵا بەختیار: رێکنەکەفتن لەناوبەین هەولێر و بەغداد زەرەد مێژووییگ و عراق دەێد
شەفەق نیوز/ مەڵا بەختیار سەرکردە لە یەکێتی نیشتمانی کوردستان، ئمڕوو جمعە، وت: نەڕەسین هەولێر و بەغداد ئەرا رێککەفتنیگ لەباوەت پڕۆژەی یاسای بوودجەی دارایی فیدڕاڵی ئەرا ساڵ ٢٠٢١ ئەوەسا زەرەد هەرێم کوردستان وەشیوەیگ وەختانە دەێد، وەلی لە خود وەختەگە زەردیگ مێژوویی وئەرا ماوەی دویریگ وە عراق دەێد.
مەڵا بەختیار لە پۆستیگ لەبان ماڵپەڕ فەیسبووک، ئمڕوو، نووسان؛ بی گومان ک هەرێم کوردستان هەڵەی گەورایگ کرد، بەڵکم گەوراترین هەڵەگانی بوی لە ئامادەنەکردن بنەمایگ لەماوەی ٣١ ساڵ ک داهاتەگانی لە خەرجەگانی فرەتر بوود، وتیش؛ وەلی ئەوە نییە ک بەغداد گووڵ هەرێم نەیاگە.
وباس لە ئومید خوەی کرد ک شاند هەرێم کوردستان بتوێتێد بڕەسێدە رێککەفتنیگ و وت؛ ئومیدخوازم ک بەغداد لە چشتیگ بڕەسێدەو، ک رێکنەکەفتنەگە ئەوەسا زەرەد وەختاتەیگ دەێدە هەرێم، وەلی هەمیش زەردە مێژووییگ رەسنێدە عراق.
