لە دیالە.. وەردەوامی لە تاڵانکردن پۆستەگان لە کورد وناوچەیگ دابڕیاگ وەبی بارەگا

لە دیالە.. وەردەوامی لە تاڵانکردن پۆستەگان لە کورد وناوچەیگ دابڕیاگ وەبی بارەگا
2020-10-21T14:27:03+00:00

شەفەق نیوز/ پێکهاتەی کورد لە پارێزگای دیالە، ئمڕوو چوارشەممە، داد کرد لە وەردەوامی تاڵان کردن پۆستەگان لە بەشیگ لە وەرپرسە کوردەگان، لەوەر بۆچونەیلیگ نەتەوەیی و دویر لە شایستەیل نیشتەجیی و هەمیش یەکیگ لە ناحیە دابڕیایەگان وەبی بارەگا یا بینایگ فەرمی ئیدارەی کریەێد.

زاهد تاهر دەلو ئەندام یەکێتی نیشتمانی کوردستان لە دیالە و ئەندام ئەنجومەن هەوڵەشیاگ پارێزگاگە ئەرا ئاژانس شەفەق نیوز وت: زەنجیرە و تەقەلایل بیبەش کردن کورد لە شایستەیل و پۆستەیل یاساییان لە دیالە وەردەوامە، لە ژیر زاڵبوین دەسەڵات و چەک لەناو بیدەنگی حکومەت فیدڕاڵی ولایەنە پەیوەندیدارەگان ئەرا چەنی ساڵە.

دەلو دووپاتکرد ک وەزوور بردن هەر ئیدارەیگ  جیوەجیکەر ناوخۆیی نێەوودە بردنیگ ئیداری و یاسایی ،و بەڵگەگە ئەوەیە ک لە ساڵ ٢٠١٧ لە مەنەلی بوی لە ژیر هەڕەشە و چەک ئەرا ئاڵشتکردن پۆستە ئیدارەییەگان یا یاساییەگان، و پرسیارکرد  : ئەوانەگ پۆستەگان لە مەنەلی و قەرەتەپە لە کورد تاڵان کردن چ سوودیگ وەگردن؟ ئایا خزمەتگوزاریەگە لە سای تا بوودجەیی لە پارێزگاگان ئاڵشت بوی وە ئەو دەسەڵاتەیل رۆتینیە ک وەرپرسەیل کەرتە ئیداریەگان دیرنەی؟

دەلو وتیش؛ وەڕێۆبەرەیل کەرتە ئیداریەگان لە کورد یا هەر پێکهاتەیگ تر خوازن خزمەتگوزاری ئەرا ناوچەیلیان پێشکەش بکەن، بەڵکم ریگری نەوین یا کەمی شایستەگان و وەپشتگووش خستن حکومەت ئەرا فرەی پارێزگاگگان و کەرتە ئیداریەگان بەسیدەیانەو.

وەرپرسە خۆجێییەگە وتیش؛ تاڵانکردن ئیدارەی ناحیەی مەنەلی و قەرەتەپە لەدەس کورد بتەوکردن ساسەتەیل نەتەوگەریە، وەنە وەڕێۆبەرە نوەگان چە وەپیان پێشکەش کریاگە، و ئایا خزمەتگوزاریەگە لە مەنەلی لە دویای لاوردن وەڕێۆبەر ناحیەگە وە زوور هەڕەشە و چەک خاسەوبوی؟

وتیش؛ مەنەلی لە دویای ساڵیلیگ لە ئاڵشتکردن ئیدارەی ی نا یاسایی، دەرچوودە خۆپیشاندانی وە خود داواکریە خزمەتگوزاریەگان، لەناوڕاس پرسیار و سەرسامی گ، ئەوەیگ وەڕێۆبەرە کۆنەگە  ئەرا مەنەلی نەکردەی چە بوی، و ئەوەگ نووەگە کردەی چەس؟ وهەمیش لە ناحیەی قەرەتەپە وەی جوورە.

لە ناحیەی جەلەوەلا، وەرپرسەیلیگ دووپاتکردن لە نەوین هیچ بینایگ ئەرا وەڕێۆبەردن ناحیەی جەلەولا، ک هانە ناو یەکیگ لە ژوورەیل شارەوانی ناحیەگە، لەوەر جەختەیلیگ سیاسی، هەرچەن وەڕێوبەر ناحیەگە لە نەتەوەی عەرەوە.

Shafaq Live
Shafaq Live