کەشناسی هەرێم کەشوهەوای 48 ساعەت ئایندە دیاری کەێد
2022-09-11T07:39:54+00:00
شەفەق نیوز/ وەڕیەوبەرایەتی گشتی کەشناسی و زەویلەرزەی هەرێم کوردستان، ئمڕوو یەکشەممە، پیشبینی کەشوهەوای 48 ساعەت ئایندە بڵاوکرد.
وەڕیەوبەرایەتیەگە لە باوەت پیشبینیەیل کەشوهەوای ئمڕوو راگەیان، ئاسمان ساماڵە وەگەرد وا هێواشیگ تا مامناوەند وە تونی (10 - 20) کم/س لە بڕیگ ناوچە گورج بوود، وە ئاراستەی باشوور خوەرهەڵات، پلەی گەرما یەک پلە داوەزین وە خوەی دوینێد.
وەریەوبەرایەتیەگە دیاری کەشوهەوای سوو دووشەممە کرد و راگەیان، ئاسمان ساماڵە، و پلەی گەرما نزیکە لە توومارەیل رووژ گوزەشتە، تونی وا مامناوەندە ها لە مابەین (10-20)کم/س وە ئاراستەی باشوور خوەرهەڵات .
بەرزترین پلەی گەرما مەزەنەکریاگ وەی جورەس:
هەولێر : 39
سلێمانی : 37
دهۆک : 39
کەرکوک : 42
زاخۆ :41
هەڵەبجە : 39
سۆران : 38
گەرمیان: 43.
