شارەزایگ کەشناسی مزگانی پاییزیگ وەرجەوەخت دەێدە عراقیەیل

شەفەق نیوز/ عەلی جابر زیادی شارەزای کەشناسی، ئمڕوو شەممە، مەزەنەی داوەزین پلەی گەرمی وە شیوەی وەرچەوەیگ لە کۆتایی ئی هەفتە لە گشت شارەیل عراق کرد.

زیادی ئەرا ئاژانس شەفەق نیوز وت: وڵاتەگە ئەوەسا کاریگەر وە یەکەم پارچەی وای هوونک پاییزی لە رووژ پەنجشەممەی ئایندە بوود، ک پی پارچە وار هیلێد گەرمیەگە وەشیوەی وەرچەویگ لە گشت شارەیل داوەزێد   تا ریژەگە بڕەسێدە ناو سیەیل لە شارەیل باکوور و ناوڕاس وفورات ناوڕاس.

وتیش: شایەت هەس وە کەشوهەوای هوونکیگ وە رووژانە بکەیمن، و لە دویاترین ساعەتەێل شەو بوودە پاییزی، و ئی ریژەیلە هانە خوار ریژەی ساڵانە،  واتە ئی پارچەی هوونکیە کەم لەی مەوقە بوود.

وتیش: هاتێ لە نیمەڕو چوارشەممە نشانەیل ئەو پارچە لە شارەیل باکوور و بەشەیل خوەرئاوایی دیار بیەن وەگەرد وای باکووری وە رووژانە گورجەو بوود.