پێشمەرگە تەقینەوەیلیگ لەبان کاروانەیلی پویچەڵ کەێد

شەفەق نیوز/ سەرکردەیگ لە هیزەیل پێشمەرگە، ئمڕوو دووشەممە، خەوەردا لە پویچەڵکردن تەقینەوەی بومبەیلیگ دانریاگ تەقەلای ئامانجکردن کاروانەیلیگ ئەمنی دانە، ناوبەین قەزای کفری لە گەرمیان وقەزای دووزخورماتوو لە سەڵاحەدین.  

عەمید جەماڵ وارانی فەرمادەی لیوای ١٤٤ پێشمەرگە ئەرا ئاژانس شەفەق نیوز وت: هیزەیل پێشمەرگە سەروە لیاوی ١٧ وە کۆنتڕۆڵیگ ئاشکرای بومبیگ دانریاگ لەبان ری نیسەمی ناوبەین ئاوای قاهرە وقوری چای کرد، لەناویان دەورگرد قەزای کفری و قەزای دووزخورماتوو لە خوەرهەڵات سەڵاحەدین.  

وارانی دووپات کرد ک دەوریەیگ پێشمەرگە وەرجە تەقیان بومبەگە وەدویری ١٠٠ مەتر خوەی کیشا دویا، و پەنا وە کەرت تەقەلای ئەندازیاری ودژە تەقەمەنی بریا، ک دوو بومب تر لەناو خود ریەگە ئاشکار کردن، و توەنست وەبی هویچ زەرەدیگ یا زەخمدارییگ پویچەڵیان بکەن.