پێشمەرگە و سوپا و هاوپەیمانی دەسکەنە ئۆپراسیۆنیگ لە دەورگرد هەرێم
شەفەق نیوز/ هێزیگ لە پێشمەرگە و سوپای عراق و هاوپەیمان ناودەوڵەتی، شەفەق ئمڕوو یەکشەممە، دەسکردنە ئۆپراسیۆنیگ ئەمنی ئەرا وەشوونکەفتن جیماگەیل ریخریاگ داعش لە دەورگرد قەزای کفری سەروە ئیدارەی ناوچەی گەرمیان لە هەرێم کوردستان.
لیوا محمد روستەم یاوەر فەرماندەی محوەر دوویەم پێشمەرگە لە حەمرین و قەرەتەپە ئەرا ئاژانس شەفەق نیوز وت؛ هێزیگ هاوبەش لە لیوای ١١٤ و کەرتەیلیگ لە پێشمەرگەو هێزەیلیگ لە سوپا و هێزەیل ئیتالیا سەروە هاوپەیمان ناودەوڵەتی، ئۆپراسیۆنەیلیگ ئەمنی لە ناوچەی پەڵکانەی بان و بە کاتەی خوار لەدەورگرد کفری جیوەجیی کردن.
وتیش؛ ئۆپراسیۆنە ناوکاویەیل بوینە هووکار دەسناین لەبان ئەمارەیل و حەشارگەیل چەک و ئامێر و تەقەمەنی لە پەڵکانی خوار و پاکەوکردن رووبەرەیل فراوانیگ لەبنەمای زانیاریەیلیگ هەواڵگری.
وتیش؛ ئۆپراسیۆنەیل وەبی هیچ زەخمداربوینیگ یا رووداوەیلیگ لەلایەن رزەیل ئەو هێزەیڵ بەشدارە جیوەجی کریان.
