گەشتیارەیلیگ لەسوای رووژ جەژن لەڕی هەولێر کەفنە رویداویگ مەرگبار

شەفەق نیوز/ وەڕێەوبەرایەتی هاتوچو هەولێر، ئمڕوو شەممە، کوشیان دوو کەس و زەخمداری دووانتر وە رویداویگ هاتوچو دڵتەزن راگەیان، ئەوەیش لە سوای یەکەم رووژ جەژن. 

فازڵ حاجی قسەکەر هاتوچو هەولێر ئەرا ئاژانس شەفەق نیوز وت: رویداوەگە لە ساعەت ٦:٠٠ شەوەکی بوی، هەنای ماشینیگ مارکەی دۆج رەنگ سوور لەبان جادەی سەدی لەوەر فرە تون رانین  پلیا، ک بویە هووکار کوشیان دووان لەناوی وەکوتپڕ، وزەخمداری دووانتر، ئەرا خەسخانە بریان.

وتیش: گشت سەرنشینەیل ماشینەگە لە ناوڕاس و باشوور عراق ئەرا گەشتیاری روی لە هەولێر کردوین. 

حاجی داوا لە رانندەیل کرد پابەند وە رینمایل وەڕێەوبەرایەتی هاتوچو بوون.