لەیەکداین دوو پاس ٣٠ کەس لە هەولێر زەخمدار کەێد ئەندامەیل پێشمەرگە هاناویان
2022-07-28T12:34:26+00:00
شەفەق نیوز/ تەندروسی قەزای سۆران لە پارێزگای هەولێر، ئمڕوو پەنجشەممە، زەخمداری ٣٠ کەس راگەیان، ئەندامەیل پێشمەرگە هاناویان، وە رویداو لەیەکداین دوو پاس لە قەزاگە.
وەڕیەوبەرایەتیەگە لە بەیاننامیگ رەسیە ئاژانس شەفەق نیوز وت: رویداوەگە، شەوەکی ئمڕوو، لە ناوچەی گەلی عەلی بەگ لە قەزای سۆران بوی، و دیاری کرد ک یەکەم پاسەگە خوەنەوارەیلیگ لەناوی بوین، و دویەمەگە سەربازەیل پێشمەرگە سواری بوین.
و دیاری کرد ک رویداوەگە بویە هووکار زەخمداری ٣٠ کەس لە هەردوگ لایەنەگە، وتیش: زەخمدارەیل ئەرا خەسخانەیگ نزیک بریان.
