مردن سێ کەس وە رویداو رخبەریگ لە هەولێر ک یەکیگیان ئەفسەرە لە پۆلیس عراق
شەفەق نیوز/ وەڕیەوبەرایەتی پۆلیس پارێزگای هەولێر پایتەخت هەرێم کوردستان، ئمڕوو جومعە، خەوەردا لە مردن و زەخمداری سێ کەس ک دوانیان ئەفسەرن وە رویداو تلیان رخبەریگ لەناوراس شار هەولێر.
وەریەوبەرایەتیەگە لە بەیاننامیگ رەسیە ئاژانس شەفەق نیوز وت: ئمڕوو ساعەت چوار شەفەق خەوەردار کریایمن لە رویداویگ هاتوچوی لە جادەی (100) مەتری لە نزیک ناوەند وەرزشی و جادەی "غەزالی".
وتیش، هەنای هێزەیل رەسین نووڕستن ماشینیگ "هۆندای ڤۆلستەر" وە تونی فرەیگ خوەی کیشایە وە بڕیگ لە مەردمەگە ک بویە هوکار مردن ئەفسەریگ پۆلیس عراق " ملازم دیانا محەمەد فەرەج" و "روسول کەمال عەبدولرەحمان" و هاولاتی "نور محەمەد فەرەج" و زەخمداری ئەفسەر "ملازم ئاڤان ئیبراهیم تاهر " ک تەندروسی ناجیگیرە.
دیاریکرد، پەراو لێکۆڵینەوە لە رویداوەگە وازکریایە و رانندەی ماشینەگە دەسگیر کریایە وە پای ماددەی (24) لە یاسای سزادان هاتوچو و دەسگیریایە بان ماشینەگەی.
