سلێمانی داوەزیان تویشهاتنەیل کولێرا راگەینێد و بایکۆتکردن کادرەیل تەندروسی وەردەوامە
وتیش: بەشیگ لە کارمەنەیل تەندروسی لە دەوام فەرمی وەردەوام بوین لە مانگرتن.
جیگر وەڕێوەبەر گشتی تەندروسی، هیرش سالم، ئەرا ئاژانس شەفەق نیوز وت: “وەمدوو داوەزین پلەی گەرما و پابەندبوین هاووڵاتیان وە ڕێکارەیل مقیەتیکردن و دابینکردن ئاو پاک نووشین لەی رووژەیلە تویشبوین وە کۆلێرا کەمەو بویە”.
وتیش: "تا ئیسە 150 بیمار توومار کریایە، هویچ مردنیش توومار نەکریایە"، وتیش: "بیمارەیل وەڕاسی لەی شمارە ئەوبانترە چوینکە هاتێ بڕیگ نەزانن کە بیماری دیرن و سەردان بنکە تەندروسییەسل نەکردنە، بیجگە لەوەیش" مانگرتن کارمەنەیل تەندروسی کە لە ناوەندەیل تەندروسی، یەیش هیشتیە هاوڵاتیەیل سەردان نەکەن."
لەباوەت وەردەوامی مانگرتن کادیرەیل تەندروسی دویای بەشەوکردن مووچەی مانگ تەمموز گوزەشتە، جیگر وەڕێوەبەر گشتی تەندروسی سلێمانی دووپات کرد کە “مانگرتن بەشیگ لە کادیرەیل تا ئیسە وەردەوامە چوینکە مانگرتنەگە وە شیوەیگ سەرەکی ئەرا دویاخستن مووچەس تا ماوەی دوو مانگ، و ئی گیچەڵە هیمان مەنیە و تا ئیسە حکومەت هەرێم کوردستان دوو مووچە قەرزارە.”
وتیش: "مانگرتن کارمەنەیل تەندروسی لە فرەی دامودەزگایل کاریگەری فرەیگ لەبان ژیان و تەندروسی خەەک دیرێد، تەنانەت بەش فریاکەفتن لە جەرگەی شارەگەیش مانگرتن راگەیانن. یەیش کاردانەوە دیرێد کە بایەسە حکومەت هەڵیبگرێد لەوەر بەشەونەکردن مووچەی فەرمانبەر."
هەمیش وت: "مانگرتن لە ناوەندەیل فریاکەفتن کار خاسیگ نییە، وەگەرد وەردەوامی کارکردن لە بەش فریاکەفتن، خەسەخانەی هیوا، بەش سزیای، و بەش کوورپەی وەرجەوەخت".
