وە مدوو کەمی دەرمان بیماری کولێرا وە ناو غەززە بڵاو بوود
2024-01-15T12:16:42+00:00
شەفەق نیوز/ وە مدوو وەردەوامبوین پەلامارەیل ئیسرائیل وەبان غەززە و پەلامارەیل ناوەندەگان و ئەمارەیل دەرمان و کەمی دەرمان، بیماری کولێرا وە ناوچەگە بڵاوبویە.
میدیایەیل جەهانی ئاشکەرایکردنە، وە مدوو پەلامارە وەردەوامەیل ئیسرائیل وەبان غەززە چەندین ئەمارەیل دەرمان کەفتنەسە وەر پەلامارەیل مووشەکی وە سەدان تەن دەرمان لەناو چینە.
پزیشکەیل باس لەوەکردنە " کەمی و نەبوین دەرمان لە کەرت غەززە بویەسە هووکار بڵاوبوین بیماری کولێرا وە ناو مناڵەیل ناوچەگە هاتێ کارەسات دروسبوود".
جەنگ ناوەین ئیسرائیل و غەززە ئەرا زیاتر لە 100 رووژە وەردەوامی دیرێد هەرچەنە چەندین جار ئاگربەس کریاە باوجی جەنگەیلە هەر وەردەوامە.
