پارێزگایگ لە هەرێم کوردستان کولێرا لەناوی نییە
2022-06-21T10:35:48+00:00
شەفەق نیوز/ سامان بەرزنجی وەزیر تەندروسی لە هەرێم کوردستان، ئمڕوو سێشەممە، وت: تا ئیسە پارێزگای هەڵەبجە تویشهاتن وە بیماری کولێرا توومار نەکردیە.
بەرزنجی لە کۆنگرەیگ رووژنامەوانی لە پەراویز سەردانی ئەرا پارێزگای هەڵەبجە وت: وەشکینەیل تاقیگەیی و چەودیریکردن گشتگیر لە شار هەڵەبجە ئەنجام دریا، و ئەنجامەیل دویەکە دەرچگ وەگشتی نەگەتیڤ بوی.
وتیش: من دڵنیام ک ئەو بڕیارەیلە لەلایەن وەزارەت تەندروسی و وەڕێەوبەرایەتیەیل گشتیی لەی چەن رووژ گوزەشتە ئەرا نواگردن بڵاوبوین کولێرا ئەوەسا وەخاسی لەبان زەوی جیگر بوود.
