سلێمانی تویشهاتن 10 کەس وە پەتای "کولێرا" راگەیان

 سلێمانی تویشهاتن 10 کەس وە پەتای "کولێرا" راگەیان
2022-06-19T11:23:42+00:00

شەفەق نیوز/ حکومەت ناوخوەیی لە پارێزگای سلێمانی، ئمڕوو یەکشەممە، توومارکردن 10 تویشهاتن وە پەتای "کولێرا" لە پارێزگاگە راگەیان، پێویستە حکومەت هەرێم کوردستان بڕە بودجەیگ تەرخان بکەێد ئەرا بار ناکاوی. 

لە کۆنگرەیگ رووژنامەوانی هاوبەش ک هەڤاڵ ئەبوبەکر پارێزگار سلێمانی و دکتۆر سەباح هەورامی وەڕێەوبەر گشتی  تەندروسی لە پارێزگای سلێمانی سازیدان باس لەوە کریایە. 

هەڤال ئەبوبەکر لە کۆنگرەگە وت، بارودۆخەگەی ئیسە مەترسی ئەرا تەندروسی گشتی دیرێد، وتیش، " تا ئیسە 10 تویشهاتن وە بیماری کولێرا توومار کریایە، ئی دە پسایە وە لایەن بەغداد پشتڕاس کریایە"، و وەزارەت تەندروسی فیدراڵی دیاریی کردیە.  

وتیش، 56 پسای هاوشیوەی تویشهاتن وە کولێرا هەس، دووپاتکرد پیویست وە ئاگاداربوین و وەرگردن رێکارەیل تەندروسی کەێد وەلایەن هاوڵاتیەیل.  پارێزگار داوا کرد، لایەنەیل پەیوەندیدار دەسمیەتی سلێمانی بیەن لە بەرەنگاربوین ۆی بارودۆخ تەندروسیە ک هەڕەشە لەبان تەندروسی تاک و کۆمەڵ دروس کردیە. 

سەباح هەورامی وەڕێەوبەر گشتی تەندروسی پارێزگاگە لە کۆنگرەی بڵاوبوین پەتاگە لە سلێمانی  دووپاتکرد، مەرج نییە هەر کەس چیەسە خەسخانە تویش کولێرا بویە. 

دیاریکرد ک ، هەر جویرە زگچین و ئەڵاوردنیگ جویر تویشهاتن وە کولێرا مامەلە وەگەردی کریەێد، دووپاتکرد هاوڵاتیەیل ئاو پاک وەکاربارن، لەو سەوزەیلە بخوەن وە ئاو پیس ئاو نەدریایە.

Shafaq Live
Shafaq Live