تەندروسی سلێمانی تویشهاتن 10 کەس وە کولێرا توومار کەێد
2023-08-31T09:18:22+00:00
شەفەق نیوز/ وەڕیوبەرایەتی گشتی تەندروسی سلێمانی سەباح هەورامی، ئمڕوو پەنجشەممە، توومارکردن دەیان تویشهاتن وە کولێرا راگەیان، دیاریکرد ساڵانە ئی بیماریە لە پارێزگاگە و سەرانسەر عراق بوینی هەس.
هەورامی لە کۆنگرەیگ رووژنامەوانی کە پەیامنێر ئاژانس شەفەق نیوز ئامادەبوی راگەیان، ئەرا شمارەیگ فرە لە بیمارەیلە وشکین ئەنجام دریاس لە ئەنجامەیل تویشهاتن 10 کەس وە کولێرا دەرچگە، وتیش، نزیکەی 100 بیمار رووژانە سەردان خەسخانەیل سلێمانی کەن کە تویش زگچین و ئەڵاوردن هاتنە.
وتیش " هووکار سەرەکی بڵاوبوین بیماریەگە ئاو نەگونجیاگە ئەرا نووشین، و ئاوەگە وەشیوەی تەندروسیگ نیەرەسێدە هاوڵاتیەیل، وەی مدویە نیەکریەێد کنترۆل کولێرا بکریەێد، و ئەو ئاوە مەردم لە (تانکەرەگان) سیننەێ هووکار بڵاوبوین ئی بیماریەس"، دووپاتکرد لە خەسخانەیل دەرمان پێویست ئەرا چارەسەرکردن بیماریەگە دابین کریایە.
هەورامی وتیش؛ بڵاوبوین بیماریەگە پێویست وە وریایی و ئاگاداربوین کەێد وەلایەن هاوڵاتیەیل سلێمانی و ناوچەیل دەوروگەردی چوینکە بڵاوبوینی ئاسانە.
