سەندیکای مامووستایل کوردستان ئومید هاتنەوەی خوەنەواری و خەرج مووچەگان دیرێد
شەفەق نیوز/ سەندیکای مامووستایل هەرێم کوردستان، ئمڕوو چوارشەممە، باس لە ئومید خوەی کرد لە بڕیاریگ بکەفێدە بەرژەوەنی هاوردنەوەی خوەنەواری لە هەرێم و خەرجکردن مووچەی مامووستایل وەشیوەی رێکیگ.
ئەحمەد گەرمیانی نەقیب مامووستایل کوردستان ئەرا ئاژانس شەفەق نیوز وت: ئومید خوازیمن دەسەی باڵای نواگردن کۆڕونا بڕیاریگ بووەێد لە بەرژەوەندی خوەنەوارەیل و مامووستایل بوود، لە داناین خشتەیگ ئەرا خەرجکردن مووچەیل مامووستاگان وەشیوەی رێکیگ، ئەرا هەر ٣٠ رووژیگ.
و ئاماژە کرد ک رەوشە ئابووریەگان دیرن دویای بەرزەوبوین نرخ نەفت خاسەو بوون، و هەمیش بەرزەوکردن نرخ دۆلار وەرانوەر دینار عراقی و هەمیش وەردەوامی لە چاکسازیەگان.
گەرمیانی وتیش؛ بەڕنامەی نوویگ ئەرا هاوردنەووی خوەنەواری دانایمن، ک شەش ئامادەیی وەدەوامەگە پابەند بوود، و ئەو پوڵەگان وە نۆرەی سێ رووژ وە سێ رووژ، ئەوەیش لە تیکڵاکردن دەوام وەگەرد خوەنستن ئەلیکتڕۆنی.
