سەرۆک هەرێم کوردستان وە سەردانیگ فەرمی رۊی وەرەو دۆحە کەێد
2021-10-16T14:06:53+00:00
شەفەق نیوز/ نێچیروان بارزانی سەرۆک هەرێم کوردستان، ئمڕوو شەممە، وە سەردانیگ فەرمی رۊی وەرەو دۆحە پایتەخت قەتەر کرد.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: نێچیروان بارزانی سەرۆک هەرێم کوردستان، دۊیای نیمەڕو ئمڕوو شەممە، وە سەردانیگ فەرمی، رۊی وەرەو دۊحە پایتەخت قەتەر کرد.
بەیاننامەگە دیاری کرد ک ئەوەسا سەرۆک نێچیروان بارزانی لە سەردانەگەی چەوی کەفێدە تەمیم بین حەمەد ئال سانی شازادەی قەتەر، و بڕێ لە گەورە وەرپرسەیل قەتەر.
وتیش؛ ئەوەسا لەی دیدارەیلە باس شیوەیل بتەوکردن پەیوەندیەیل هەرێم کوردستان و عراق وەگەرد قەتەر و رەوشەیل عراق و ناوچەگە وەگشتی، و بڕئ لە باوەتەیل خاوەن گرنگی هاوبەش کەێد.
