لەباوەت سەردانەگەی بارزانی ئەرا قەتەر: ئەرا هەرێم کوردستان لەلای دەوڵەتەیل خەلیج گرنگە؟
شەفەق نيوز/ ڕووژنامەی (جيروزاليم پۆست) ئیسرائیلی، خوەنستنیگ لە سەردانەگەی نێچیروان بارزانی سەرۆک هەرێم کوردستان ئەرا قەتەر کرد، و باس ئەو دەور گرنگە کرد ک هیمان دەوڵەتەیل خەلیج رانن، وەتایبەت وەگەرد بەرزەوبۊن ئی دەورە لە هەرێم کوردستان ک بۊیەسە بەشیگ لە میرگ ئارامی ک دەوڵەتەیل خەلیج خوازن بەرهەمهاوردن لەناوی بکەن.
نێچیروان بارزانی لە دۆحە چەوی کەفتە شێخ تەمیم بین حەمەد ئال سانی شازادەی قەتەر، و هەمیش لە ئەیلوول گوزەیشتە، لە مەوقەی سەردان لەندەن، چەوی کەفتە شێخ محمد بین زیاد ئال نهەیان شازادەی ئەبو زەبی، ئەوەیش بیجگە چەوکەفتنیان وەیەک لە حوزەیران گوزەیشتە لە مەوقەی سەردان بارزانی ئەرا ئیمارات.
لەو راپۆرتیە ک ئاژانس شەفەق نیوز وەرگێڕانی کرد، رووژنامەگە پرسیار کرد لە گرنگیەیل بارزانی، و وت: باس پەیوەندیەیل وەرد دەوڵەتەیل خەلیج لە گوزەیشتە کرد و باس بەرهەمهاوردن و ئەوزەڵکردن ئابووری کرد، و لە سەردانەگەی قەتەر بارزانی رووژ یەکشەممە خچەوی کەفتە خالید بین خەلیفە ئال سانی،و ئیجا وەگەرد شازادەی قەتەر گردەو بۊی.
بارزانی لەبان تویتەر نۊسان و باس خوەشهاڵیی وە دیدار شازادەی قەتەر کرد، و وت؛ باسەیلیگ لەباوەت بتەوکردن پەیوەندیەیل دووانی وەگەرد باوەتەیل خاوەن گرنگی هاوبەش لە عراق و خوەرهەڵات ناوڕاس و هەڵبژاردن دۊیایین عراق و باوەت بازرگانی و کاروانەیل ئاسمانی راستەوخۆ و گەشتوگوزاری کرد.
ڕووژنامەگە وتیش: گرنگە هۊیرە بکەیمن ک لە ساڵ ٢٠١٣، بایەت بۊی هەولێر بوودە ناوەندیگ گەشتوگوزاری لە ناوچەگە، عراقیەیلە لە گشت شۆنەیل وڵاتەگە و دەوڵەتەیل خەلیج رۊی وەرەو هەولێر و ناوچەیل کوردی کردیان، وەخاتە ئاشتەوایی ناوی وە کۊیە و چەمیل رەنگینیگ، وتیش: داگیرکردن داعش ئەرا عراق لە ساڵ ٢٠١٤ زەرەدەیلیگ رەسانە گەشتوگوزاری، ئیجا لە ساڵ ٢٠٢٠ پەتای کۆڤید-١٩ هات.
رووژنامەگە وتیش: شایەت دووارە رەوشەگە ئاڵشت بوونی وتیش؛ دهۆک یەکیگە لە شارە سەرەکیەیلەی هەرێم، و خاوەن ژینگەی سەرسامکەریگە، و هووتێلەیل رەنگین و بەرهەمهاوردن تورکیە، وتیش تورکیا هاوپەیمان سەرەکیە ئەرا قەتەر، و دۆحە و ئەنقەرە پەیوەندیەیل خاسیگ وەرد ئیران دیرنخ و هەمیش بارزانی خاوەن پەیوەندیەیل دووسییگە وەگەرد ئیران، و هەمیش نزیکە لە سەرکردەیل عەرەو.
ئەرایە، رووژنامەگە باسی ئەوە کرد ک لەی چوارچێوە، لە سای کۆتایی قەیران خەلیجی لە ساڵ ٢٠٢٠، هەرێم کوردستان شۊن فراوانیگ ئەرا ئەوزەڵکردن پەیوەندیەیلی وەرد دۆحە و ئەبوزەبی دیرێد.
ڕووژنامەگە وتیش؛ هەرێم کوردستان میوانی سەدان هەزار لە ئاوارەیلە کرد کنلە ناوچەیل عراق هاتنە، و وەگەردیان ئەو ئەیزیدیەیلە کنکەفتنە شکەنجەی ریخریاگ داعش، و هەرێم کوردستان هەمیش جۊر دەمار ژیان سەرەکییگە وەرەو سوریا و ناوچەی کورد ئەورا، و هێزەیل ئەمریکا لەورا جیگر بۊنە، هەکاتی میوانیکردنیان لەلایەن ئەبوزەبی و دۆحە خ ئەوەیش نشان دەێد ک هەرێم کوردستان بەشیگە لە باوەت یلێارامکردن و لە برادەرەیل ئەمریکا و هاوبەشەیلی لە ناوچەگەسخ وتیش؛ ئەوەیش لە شان ئوردن و چەن دەوڵەتیگ تر، و ئەوە کار گرنگیگە.
ڕووژنامەگە لە کۆتایی قسەیلی وت: بایەتە چەوڕی بکەیمن تا بزانیمن ئایا دەوڵەتەیل خەلیج ئەوەسا وەشیوەیەگ گەورەتر ونرکدارتر لە هەولێر و هەرێم کوردستان بەرهەمهاوردن کەن، یا ئی بەرهەمهاوردنە هەمیش وەرەو نەینەوا و کەرکوک تەکان دەێد، ک ئەو پارێزگایلە لە دۊیای سەردەم داعش ئاوەدانکردنەوەی خوازن، و هەمیش خوازن لە توندڕەوی ئازاد بوون.
