بارزانی وەگەرد باڵوێز قەتەری باس پەیوەندیەیل ئابووری و بازرگانی کەێد

شەفەق نیوز/ نێچیروان بارزانی سەرۆک هەرێم کوردستان، ئمڕوو پەنجشەممە،  دووپات لە گەشەپیدان دیبلۆماسی و ئابووری لەناوبەین عراق و قەتەر و شیوەیل فراوانکردنی کرد. 

سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: بارزانی ئمڕوو لە نوسینگەگەی لە هەولێر پیشوازی لە خالد بن حەمەد سڵێتی باڵوێز قەتەر لەلای عراق کرد، و یەکەو باس گەشەپێدان پەیوەندیەیل ناوبەین عراق و هەرێم کوردستان وەگەرد قەتەر کردن وەتایبەت لە لایەن ئابووری و بازرگانی و هاندان وەکارهاوردن سەرمایەیلە و بەرهەمهاوردن قەتەری لەگشت چینەیلە.  

بەیاننامەگە وتیش؛ کۆنگرەی بەغداد ئەرا هاوکاری و هاوبەشی،  و گرنگیدان وە پەیوەندیەیل عراقی وەگەرد دەوڵەتەیل هاوسا و ناوچەگە، و هەڵبژاردن هاتگ عراق،  و بڕێ لە باوەتەیلیگ تر، باسکردن ئەو کۆبونەوە بۊین.