شازادەی قەتەر وە سەردانیگ فەرمی رەسێدە بەغداد
2023-06-15T14:28:59+00:00
شەفەق نیوز/ تەمیم کوڕ حەمەد ئال سانی، شازادەی قەتەر، ئمڕوو پەنجشەممە، وە سەردانیگ فەرمی، رەسیە بەغداد پایتەخت، ئەرا چەوپیکەفتن وە گەورە وەرپرسەیل عراق.
نویسینگەی راگەیانن محمد شیاع سودانی سەرۆک وەزیرەیل لە بەیاننامەیگ رەسیە ئاژانس شەفەق نیوز وت: سودانی هاتە پیری سەرۆک ئەنجومەن شازادەی قەتەر لە هۆڵ شەرەف گەورە، لەناو فڕۆکەخانەی ناودەوڵەتی بەغداد.
دویەکە چوارشەممە، باسم عەوادی قسەکەر حکومەت وت: تەمیم کوڕ حەمەد ئال سانی ئەوەسا (ئەمروو) رەسێدە بەغداد وە سەردانیگ سیاسی و ئابووری گرنگ، وەبی باسکردن لە هویردەکاریەیلیگ زیاتر.
