زياتر لە ١٠٠٠ خیزان کورد نێخوازن ئەرا ناوچەیگ دابڕیاک بچنەو

زياتر لە ١٠٠٠ خیزان کورد نێخوازن ئەرا ناوچەیگ دابڕیاک بچنەو
2020-10-09T10:19:49+00:00

شەفەق نیوز/ وەرپرسیگ کورد لە پارێزگای دیالە، ئمڕوو جمعە، ئاشکراکرد لە رەتکردن زیاتر لە ١٠٠٠ خیزان کورد ئاوارە لە هاتنەوەیان ئەرا ناحیەی سەعدیە، لەوەر هووکارەیلیگ پەیوەندی و ئاسایش وخزمەتگوزاری دیرن.

سەرچەوەگە ک لەوەر دسپیچگەیلیگ سیایس نەخوازێد ناوی ئاشکرا بوود، ئەرا ئاژانس شەفەق نیوز وت: زیاتر لە ٢٠٠٠ خیزان کورد لە ساڵەیل ناونی ٢٠١٤- ٢٠١٧ لە ناحیەی سەعدیە کۆچ بردن، لەوەر هەڕەشەیل کۆمەڵە تیرۆرستەگان و خراوبوین خزمەتگوزاری، ودیاریکرد ک زیاتر لە ١٠٠٠ خیزان لەلیان لەناوچەی خانەقین و پارێزگاگان هەرێم کوردستان جیگربوین و گونجیان وەگەرد خزمەتگوزاری و ئەمنیەگە، و نێخوازن دووارە ئەرا ناخیەگە بچنەو، ک زیان لە خراوبوین خزمەتگوزاری و نا ئارامی ئەمنی لە ماوەیگ جاریگ وەخوەیان دوینن.

سەرچەوەگە ئاماژەکرد ک رێژەی کوردەگان لە سەعدیە لە ساڵ ١٩٥٧ ٨٠٪ لە دانیشتوەیل بوین، و ئیسە لە ١٠٪ زیاتر نیین، لەوەر وەزوور بارکردنیان لەلایەن رژیم وەرین وکارەیل کوشتن  و بارکردن ک لە ساڵ ٢٠٠٧ لە لایەن چەتەیل ریخریاگ قاعیدە دەسکردەپی.


Shafaq Live
Shafaq Live