زەخمداری مەدەنیيگ وە گولە لە دیالە و پۆلیس 6 توومەتبار دەسگیرکەێد
2024-03-14T10:20:57+00:00
شەفەق نیوز/ سەرچەوەیگ ئەمنی لە دیالە، ئمڕوو پەنجشەممە، خەوەردا لە زەخمداربوین مەدەنیگ وە گولە لە بکوور خوەرئاوای شار بەعقوبە، لەهەمان وەخت پۆلیس شمارەیگ توومەتبار رویداوەگە دەسگیرکرد.
سەرچەوەگە وە ئاژانس شەفەق نیوز خەوەردا "مەدەنیگ وە تەقەکردن لە دەمووچەوی زەخمداربویە وە لایەن چەکداریگ وە چەک کلاشینکۆف لە ناوچەی کەسیرین لە دەوروگەرد ناحیەی هبهب باکوور خوەرئاوای بەعقوبە".
وتیش "زەخمدارەگە ئەرا چارەسەرکردن کلکریا ئەرا خەسانە و سکالا دژ وە شەش توومەتبار رویداوەگە توومارکریاس ئەرا داشتن ناکۆکی وەگەردی لە ناوچەگە".
سەرچەوەگە دیاریکرد "پۆلیس دەسکردیە وە لێکۆڵینەوە و رێکارەیل گونجیاگ وەرگردیە ئەرا دەسگیرکردن تاوانبار و توومەتبارەیل ترەک".
