پەرلەمانتاریگ چارەکردن گیچەڵ ئارد لە کوردستان راگەینێد
شەفەق نیوز/ پەرلەمانتاریگ عراقی، ئمڕوو شەممە، رەسین وە چارەیگ ئەرا گیچەڵ بەش پارێزگایل هەرێم کوردستان لە ئارد دیرکەفتگ راگەیان.
بڕیار رەشید ئەرا ئاژانس شەفەق نیوز وت: گیچەڵ بەش ئارد دیرکەفتگ ئەرا ماوەی دوو مانگ لەبان پارێزگایل هەرێم کوردستان دویای قسەکردن وەرد وەزیر بازرگانی فیدراڵی و وەڕیەوبەر گشتی بەشەوکردن بەرهەمەیل خوەراکی لە وەزارەتەگە چارەسەر کریا.
رەشید نوینەرە لە پارێزگای سلێمانی وت: وەزارەت بازرگانی فیدراڵی ئەوەسا بەش هاووڵاتییەیل هەرێم کوردستان لە ئارد، وەماوەی رووژەیل بانان کل کەێد، و ئەوەسا وەگورەی بەش پارێزگایل ناوڕاس و باشوور کل کەێد.
خەڵک هەرێم کوردستان داد لە دیرکەفتن بەش ئارد کەن، لە وەختیگ هەمیش سکاڵا لە چینەگەی هەس، ک هیشت دەسەیگ وە سەرۆکایەتی وەڕیەوبەر گشتی پلاندانان لە وەزارەت بازرگانی فیدراڵی لە ١٧ی ئەیلوول باێدە سلێمانی، وتاقی ئەو ئاردە لە ئەمارەیل پارێزگایل سلێمانی بکەێد، و تا ماوەی چەنگ ئەرا وەکارهاوردن خاسە.
