کۆڕۆنا دەرفەتەیل کار لە مەرز مەنەلی کەمەو کەێد
شەفەق نیوز/ وەرپرسیگ حکومەتی لە دیالە، ئمڕوو یەکشەممە، دووپات لە داوەزین دەرفەتەیل کار لە مەرز مەنەلی کرد ئەرا زیاتر لە ٧٠٪ لە ماوەیل وەرجە پەتای کۆڕونا.
مازن ئەکرەم خوزاغی وەڕێۆبەر ناحیەی مەنەلی ئەرا ئاژانس شەفەق نیوز وت: رێژەی کارمەنەیل لە مەرز مەنەلی لە مەوقەی هاتنەوەی ئەرا کارکردن لە پارەکەو لە دویای بڵاوبوین پەتای کۆڕونا لە ٣٠٪ زیاتر لە رێژەیل سرووشت خوەی نیە .
و دیاری کرد ک شمارەی کارمەنەیل لە مەرز مەنەلی وەرجە کۆڕۆنا رەسیە نزیکەی ١٠٠٠ کارمەن، باوجی لەوەر چەن هووکاریگ زیایەو نەوی، لەلیان ریکارە گمرگیەیلە و رسوومە پویلیەیلە وەپێچەوانەی ئەو ئاسانکاریەیل گەورە لە مەرزەیل هەرێم کوردستان، جوور مەرز پەرویزخان ک هیشت ئەو کاروانە بازرگانیەیلە ک لە ئیرانەو تیەن روی وەرەو مەرزەیل هەرێم کوردستان بکەن.
لە خود باوەتەگە، خوزاعی دووپات کرد ک رێژەی گواستەوەی بازرگانی لەەمەرز مەنەلی لە ماوەی جەژن رەمەزان ئەرا ٣٠ تا ٣٥٪ داوەزیا، و شمارەی بارەیل لە ٥٠ ئەرا ٣٠ تا ٣٥ بار لە رووژیگ داوەزیا.
