هەرێم کوردستان دەسنەێدە بان ٢٢ تەن خورمای وەسەرچگ لە ئیران هاوریایە
شەفەق نیوز/ جەوهەر رەسول وەڕێۆبەر گومرگەیل ئیدارەی ناوچەی راپەڕین لە هەرێم کوردستان، ئمڕوو چوارشەممە، راگەیان دەسناین وەبان زیاتر لە ٢٢ تەن لە خورمای ماوە وەرەسەرچگ لە ئیرانەو هاتیە.
رەسول ئمڕوو لە کۆنگرەیگ رۆژنامەوانوی وت: ری وە هاتن پەنج تەن لە کاڵەک و تەماتە ولەهانەی سوور نەیریا ک لە ئیران هاوردە کریانە.
وتیش؛ دەسنریا بان ٢٢ تەن و ٣٦٠ کێلوگڕام لە خورمای ناو کارتون لە بەرهەم ئیران، و دووپات کرد ک ماوەگەی وەسەرچگە.
وەرپرسە گومرگیەگە وتیش: تاقیکردنەوەی خورما ئاسان نیە، ئەراوە وەزارەت کشتوکاڵی هەرێم کوردستان ڤەبەغەی هاوردەی کردیە.
هەمیش وت؛ لەی دویاییە زیاتر لە تەن١٠٠ سەوزە و میوە وەرەو دەیشت هەرێم کوردستان گلەو دایمن، و بارەیلیگ تر لەناو بریان چوونکە خراو بوینە و گلەو نێدریەن، و داوا لە بازرگانەیل کرد هاوردەی خواردەمەنی خراو و ماوە وەسەرچگ نەکەن چوینکە ری ئەرا وەناوهاتنیان نیە.
