عراق دۊیەمە لە لیست وڵاتەێل فرەسین ماڵ تورکیا لە مانگ تەشرین یەکەم

شەفەق نیوز/ دەزگای ئامار تورکیا، ئمروو دوشەممە، راگەیان عراقیەێلە وە پلەی دۊیەم هاتنە  جوور فیشترین نەتەوە لە سەنین ماڵ لە تورکیا لە ماوەی مانگ تەشرین یەکەم گوزەشتە.    

لە راپۆرتێگ دەزگاگە ک ئاژانس شەفەق نیوز ئەڵگەریان ئەرای کردیە ئۊیشد؛ " فروشتن ماڵ لە تورکیا ئەرا بیانیەێلەوە رێژەی 12.1٪ بەرزەو بۊیە لە مانگ تەشرین یەکەم گوزەشتەی 2021 وە بەراورد هەمان مانگ لە پارساڵ ئەرا 5 هەزار زیاد کردیە ک رەسیە 5893، ئەستەنبوول فیشترین بەش بەریکەفتیە وە رەسیە 2464 ماڵ، ئانتالیا لە دۊیەم پلە تێد وە 385 ، و لە دۊیایی ئەنقەرە وە 359 ماڵ.    

وتیش؛ " تورکیا لە ماوەی کانون یەکەم تا تەشرین یەکەم 43 هەزار و 372 ماڵ وە بیانیەێلە فروشتی ئوو وەگورەی بەرزەوبۊین رەسیە 38٪ ، وە بەراورد وەگەرد پارساڵ.    

دیاری کرد، ئێرانیەێلە هانە بان گشت وڵاتەێلە لە فیشترین سەنین ماڵ لە تورکیا لە ماوەی تەشرین یەکەم وە 1.265، عراق وە پلەی دۊیەم تێد 926 ماڵ سەندنە، دۊیاخر روسیا وە پلەی سێیەم تێد وە 543 ، ئەڵمانیا چوارەم وە 256 ماڵ و کازاخستان پەنجەم وە 191 ماڵ.    

عراقیەێلە لە ساڵ 2015وە هانە بان لە لیست ماڵ سەنین لە تورکیا، باوجی لە ساڵ2021 لە دۊیای ئیران وە پلەی دۊیەم داوەزیا، لە هەمان وەخت سولەێمان سەیۆلۆ وەزێر ناوخوە تورکیا لە 13 تەشرین دۊیەم2020راگەیان ئیسە فیشتر لە 114 کەس عراقی لە خاک وڵاتەگەی نیشتنە.