نێچیروان بارزانی: ری بازرگانی تورکیا وەرەو گەورە بازاڕ عراق وە هەرێم کوردستان رەد بوود
شەفەق نیوز/ نێچیروان بارزانی سەرۆک هەرێم کوردستان، ئمڕوو یەکشەممە، باس پەیوەندیەیل ئابووری و بازرگانی هەرێم وەرد تورکیا کرد ک گرنگە و ستراتیژیە.
ئەوەیش لە کۆبونەوەی وەرد محمد موش وەزیر بازرگانی تورکیا هات، وەگورەی بەیاننامەیگ لە سەرۆکایەتی هەرێم.
بەیاننامەگە لە زوان سەرۆک هەرێم کوردستان وت: دەرفەت وەکارخستن سەرمایەیلە و بەرهەمهاوردن تورکی لە هەرێم کوردستان فرە گونجیاگ و فراوانە و ڕی بازرگانی تورکی وەرەو گەورە بازاڕ عراق وە هەرێم کوردستان رەد بوود، ئەراوە بایەتە ستراتیژی و هۊیرکردن نووەیل تورکیا لەباوەت فراوانکردن چینەیل بازرگانی وەقورسی بکەفێدە بەرهەمهاوردن زیاتر لە بازرگانی.
وەگورەی بەیاننامەگە، سەرۆک بارزانی و وەزیرەگە دووپات کردن لە ئارەزوو بتەوکردن پەیوەندیەیل بازرگانی لە هەرێم کوردستان و عراق وەرد تورکیا، و ڕێک کەفتن لە گرنگی لەداین گشت ریگریەیلە لەنوای فراوانکردن پەیوەندیەیل بازرگانی و ئابووری لەناوبەین دوو وڵاتەگە.
سەرۆک هەرێم کوردستان باس یاسای بەرهەمهاوردن لە هەرێم کوردستان کرد ک یاسای هاندەریگە و هیلێد سەرمایەیل بیگانە بکەفنە کار، و باس لە ئامادەیی هەرێم کوردستان کرد ئەرا پێشکەشکردن گشت ئاسانکارییە ئەرا وەکارخستن سەرمایەیلە و بازرگانی تورکی لە هەرێم کوردستان و عراق.
لەلای خوەییش، وەزیر بازرگانی تورکیا دووپات لە ئارەزوو وڵاتەگەی لە گەشەکردن پەیوەندیەیل بازرگانی و فراوانکردن چالاکیەیل ئابووری لە هەرێم کوردستان وتیش؛ نموونەیل سەرکەفتیگ لە بەرهەمهاوردن و وەکارهاوردن سەرمایەیل تورکیا لە دەوڵەتەیل ناوچەگە ک توانای دووارەکردنی لە هەرێم کوردستان هەس، تا بڕەسێدە گشت ناوچەیل عراق.
لەو ککۆبونەوە ک شمارەیگ لە وەزیری و لایەنە پەیوەندیدارەیل لە هەرێم کوردستان و باڵوێز تورکیا تورکیا و شاندیگ تورکی ئامادەی بۊی، باس کاریگەری پەتای کۆڕۆنا لەبان بازرگانی، و ئابووری و ئاست بازرگانی و هاوردەی تورکی وەگەرد عراق و هەرێم کوردستان کریا، و هەمیش باس باوەت سیستەم بانکی و گواستنەوەی پۊیل، و گەشتوگوزاری و باوەتەیلیگ تر کریا.
