کۆتایی هاوردن وە یەکەمین دانیشتنە پاییزیەگان ئەرا پەرلەمان هەرێم کوردستان دویای مرافەیگ وەقسە
2020-09-02T12:33:12+00:00
شەفەق نیوز/ رێواز فایق سەرۆک پەرلەمان هەرێم کوردستان، ئمڕوو چوارشەممە، کۆتایی وەیەکەم دانیشتن ئەرا یەکەم وەرز پایز هاورد، دویای مرافەیگ وە قسەکردن لەناوبەین فراکسیۆنەیل ئۆپزسیۆن وفراکسیۆنەیل بەشدار لە حکومەت.
پەیامنێر ئاژانس شەفەق نیوز لە پەرلەمان وت: فایق دانیشتنەگە خستە سوو ساعەت دەی شەوەکی، دویای ئەو قسەیل مرافە و دەنگ بەرزەوکردنە لەناوبەین ئەندامەگان.
وتیش ژمارەیگ لە پەرلەمانتارەگان وەتایبەت لە فراکسیۆنەیل ئۆپزسیۆن ناڕەزایەتی کردن لەبان بەڕنامەی دانیشتنەگە.
پەیامنێرەگەمان وتیش: ئۆپزسیۆنەگان رک گردن لەبان هەڵوێستەگەیان لە داواکردن مەسرور بارازانی سەرۆک حکومەت هەرێم کوردستان، وئاوات شێخ جەناب وەزیر دارایی، و داواکردن لە سزاداین حکومەت لەبان برین ٢١% لە مووچەی فەرمانبەرەگان.
