ئاهەنگ سۊر پیاویگ تەمەنی ١٠٠ ساڵ ئەوبانە
شەفەق نیوز/ لە کار دەگمەنیگ، پیاویگ عراقی، لە تەمەن ١٠٣ ساڵی، لە پارێزگای دیوانیە، ئەرا سێیەم جارە لە ژیانی، ئاهەنگ سۊر کرد.
لە هۊردەکارەیل ئەو سۊرە، ناحیەی سۆمەر وەرجە چەن رووژیگ، ئاهەنگ سۊر "مخێلف فەرهود مەنسوری" وەخوەی دی، و ئامادەبۊن کەسوکارەیلی لەناو ئەو ئاوای دۊرە.
عەبدولسەلام کوڕ ئەو پیاو پیرە، ئەرا میدیایل راگەیانن وتیە: باوگم سێ گلە ژن هاودیە، ک لە ساڵ ١٩٩٩ یەکەم ژنی مردیە، تا دۊەمەگە بخوازێد، و مناڵیش ئەرای بارێد.
وتیش: لە کۆتایی ساڵ گوزەشتە، ناکوکییگ کەفتە ناوبەین خوەی و ژنە نووەگەی، تا ژنەگە بچوودە ماڵ باوانی، و دۊای چەن مانگیگ باوگمان داوا لەلیمان کرد ژنیگتر ئەرای پەیا بکەیمن.
وتیش: ژن جوانیگ لە داڵگبۊ ساڵ ١٩٨٥ ئەرای پەسەن کریا، و دەزۊرانیی کرد، ئیجا ئاهەنگ سۊرەگەی کریا، و هەر نۆ کوڕەگەی و کوڕەزایل کوڕەزایلی لەناو سۊرەگەی بۊن.
