دەسگیرکردن ژنیگ لە دیوانیە شویەگەی وە چەکوش کوشتیە

شەفەق نیوز/ فەرماندەی پۆلیس پارێزگای دیوانیە، ئاشکرای دەسگیرکردن ژنیگ کرد شویەگەی وە چەکوش  کوشتیە.

لیوا عەبتان محمد موتڵەگ لە بەیاننامەیگ وت: دویای ئاگاداری لە کوشتن هاووڵاتییگ لە تەمەن ٣٥ ساڵی، لە قەزای شامیە (ئاوای عتیجە) تیمیگ ئەرا ئی باوەتە دروس کریا.

وتیش: هیزیگ لە نویسینگەی دژە تاوان شامیە توەنست ئاشکرای تاوانەگە بکەێد، و ژن قوربانیەگە دەسگیر بکەێد، دیویای داناین بەڵگەیل لە رویی، ک وەزاوان خوەی ئاشکرای جیوەجیکردن تاوان کوشتن شویەگەی لەوەر ناکۆکیەیل خیزانی کرد.

بەیاننامەگە وتیش: ئەو ژن توومەتبارە مەوقەی خەفتن قوربانیەگە وە چەکوش چووین سێ گلە داسە بان سەری وسینەی تا گیانی لەدەسدایە، و قسەیلی وەشیوەی دادوەری توومار کریا.