کوشتن دوو کەس یەکیگیان هونەرمەندە و ئەواکە فەرمانبەرە لە بەغداد و دیوانیە
2020-12-03T09:15:35+00:00
شەفەق نیوز/ سەرچەوەیگ ئەمنی وەرپرس، ئمڕوو پەنجشەممە، خەوەردا لە کوشتن دوو کەس یەکیگیان هونەرمەندە و ئەواکە فەرمانبەرە، وە دوو پەلامار چەکداری لە بەغداد پایتەخت و پارێزگای دیوانیە.
سەرچەوەگە ئەرا ئاژانس شەفەق نیوز وت/ کەسیک نەناسریاگ وەکۆڵ ماتووڕسکڵیگ تەقە لە هونەرمەن ئەحمەد حەکیم و کەسیگ وەگەردی لە شار شوعلە لە باکوور بەغداد کرد، ک بویە هووکار کوشتن هونەرمەنە ئەکتەرەگە و زەخمداربوین ئەواکە.
وتیش؛ زانیاریەگان باس هووکار رووداوەگە کەن ک خیزانیە، و دیاریکرد ک هونەرمەنەگە لە تورکیا بویە و وەرجە پەنج رووژ ئەرا عراق هاتەو.
سەرچەوەگە وتیش؛ چەکدارەیلیگ نەناسریاگ لە چەکەیل بیدەنگیان تەقە لە ناونریاگ (ن ک) کردن ک خوەی فەرمانبەرە لە دیوان پارێزگای دیوانیە لە دەسەی قەرەبووەگان قوربانیەگان تیرۆر، لەنزیک ماڵەگەی لە گەڕەک نەهزە، ک وە کوتوپڕ کوشتنەی.
