لە سێ پارێزگای عراق.. کابرایگ باوگ خوەی کوشێد کەسیگتر ژنی کوشێد و ژنیگیش خوەی کوشێد
سەرچەوەیگ لە پولیس پارێزگای نەینەوا ئەرا ئاژانس شەفەق نیوز وت: کابرایگ لە تەمەن ٥٨ ساڵە، بیماری دەروینی دیرێد، وە چەقوو باوگ خوەی کوشت و ژنەگەی خوەی زەخمدار کرد، ئیجا وە چەقوو داد لە خوەی لەناو ماڵەگەیان لە گەڕەک چاکسازی کشاورزی لە شار مووسڵ، دویای دەمەقاڵیگ وەگەرد باوگی.
هەرلیوا، فەرماندەیی پولیس پارێزگای دیوانیە دەسگیرکردن کەسیگ وە توومەت کوشتن ژنەگەی وە گولە راگەیان.
پولیس لە بەیاننامەیگ وت: یەکیگ لە دوو توومەتبار ئاشکرای کوشتن ژنەگەی و تفەنگ کلاشینکۆف لە ئەنجام ناکۆکی خیزانی کرد، و ئەرا زانیاری ئەو توومەتبارە وەرجەیە وەلایەن بنکەی پولیس دەغارە دەسگیر کریاگە.
بەیاننامەگە وتیش: توومەتبارەگە لە سەرەتا وتیە گوایە کوڕە بویچگەگەی بازی و تفەنگ کردگە و ژنەگەی کوشیاگە.
لە بەغدادیش، سەرچەوەیگ ئەمنی وەرپرس وت: ژنیگ لەداڵگبوی ساڵ ١٩٩٦ وە لەچک سەر لەناو ماڵەگەی لە قەزای مەحموودیە خوەی داگە سێدارە و خوەی کوشت.
وەگورەی قسەی شویەگەی، ژنەگەی لە ئەنجام ناکۆکی خیزانی خوەی کوشتگە.
