پارێزگار هەولێر: وارانە فرەگە هۊچ زەرەدیگ گیانی لەلی نەکەفتیە
شەفەق نیوز/ سەرۆک حکۆمەت ناوخۆ لە پارێزگای هەولیر پایتەخت هەرێم کوردستان ئۆمێد خۆشناو، ئمڕوو سێشەممە، راگەیان بڕیگ ناوچە لە پارێزگاگە نوقوم بویە لە ئەنجام واران فرەیگ ک دۊشەو واریە، هۊچ زەرەدیگ گیانی لە دۊای نەۊە.
خۆشناو لە کۆنگرەیگ رووژنامەوانی ک ئمڕوو شەوەکی زۊ ئەنجامیدا وت، ئەو لافاوەی وە مدووی وەرانە فرەگەی دۊشەو واریە دروسبۊ زەرەرد گیانی لە دۊای نەۊە بیجگە لە گردەوبۊن ئاو لە چەن گەرەک و شۊنیگ ک بۊە هووکار لەکارکەفتن ماشینەیل بڕیگ کەس"، وتیش، ْتیم شارەوانی وە هاوکاری وەگەرد هاوڵاتیەیل توەنستن کۆنترۆل بارودۆخەگە بکەن و هۊچ زەرەیگ نەۊە.
وتیش تیمەیل شارەوانی، و فەرمانگەیل پەیوەندیدار حکومەت هەرێم ئامادەکاری ئەنجامدانە ئەرا هەر پساییگ نەخوازریاگ ک رۊ بەێد، پێویستە دانشتگەیل هاوکاری وەگەرد تیمەگان بکەن مەوقەی ک هەس وە هەر رخیگ کریا لە بەرزەوبۊن ریژەی ئاو و توانای رۊدان لافاو.
لە باوەت رێکارەیل حکومەت هەرێم ئەرا قوربانیەیل لافاوەگە ک پارساڵ رۊدا لە هەولێر، سەرۆک حکومەت ناوخوەیی وت، قەرەبۊ سەرەتایی ئەرا زەرەدمەندەیل لافاوە یەکەمەگە تەواو بۊە، حکومەت هەرێم دەسکردیە وە قەرەبۊ لافاوە دۊەمەگە.
