واران تونیگ هامشوو لەناو ریوبانەیل هەولێر شیونێد..وینە
2023-11-15T12:44:39+00:00
شەفەق نیوز/ شار هەولێر پایتەخت هەرێم کوردستان، ئمڕوو چوارشەممە، قاڵەباڵغی هاتوچو وە خوی دی لەبان شماریگ لە ریەیلە لەناویانیش ریەیل دەێشت، لەئەنجام ئەو وارانە رفتە کە دویەشەو واری، کە بویە مدوو گردەوبوینی لە بڕیگ لە جادەیل گشتی.
وەڕێوەبەرایەتی هاتوچو هەولێر، داوا لە هاوڵاتیەیل کەێد ری هەولێر سەڵاحەدین وەکارنەێرن، ریەیلتر بگەنەوەر تا تویش رویداو هاتوچوی و تێکچگن ماشینەیل نەون.
وەڕێوەبەرایەتیەیل وەرگیری شارستانی و شارەوانی سەر وە شار هەولێر، دەسکردنەس وە کیشان ئاوەگە و چارەسەرکردن گیچەڵ جەمەوبوین ئاو لە جادەیل گشتی.
